Гимназия №1 имени К.Калиновского г.Свислочь

21 лютага ў гімназіі праходзіла акцыя “Пералівы роднай мовы”.
Вучні чыталі вершы пра родную мову, запісвалі на “воблачках” самыя любімыя беларускія словы і прымацоўвалі іх на дошцы. Удзельнікі акцыі пісалі беларускія словы, якія з’яўляюцца блізкімі і дарагімі для іх: сваё імя, захапленні, радкі з любімага твора. Большасць удзельнікаў акцыі палічыла самымі дарагімі словамі «Бацькаўшчына», «Беларусь», «радзіма», «матуля», «бацька».

У дзень роднай мовы вучні 5-11 класаў прынялі ўдзел у інтэлектуальнай гульні “Гучы, родная мова”. Назву камандзе выбіралі са слоў, ужытых у вершах, якія гучалі перад пачаткам гульні. За званне лепшых знаўцаў беларускай мовы змагаліся каманды: “Паясы”, “Дыяменты”, “Вясна”, “Шчасце”, “Прадзеды”, “Павучкі”, Венера”, “Беларусы”, “Месяц”.
Першая частка гульні называлася “Медыяазбука”. Па малюнках на экране трэба было ўспомніць і запісаць адметныя беларускія словы. Вучні з лёгкасцю ўспомнілі словы валошка, лялька, бярозавік,фарбы,гадзіннік. І толькі некаторыя каманды здолелі адгадаць словы прас, рунь, узнагарода, заплечнік, пацеркі.
У “Сваёй гульні” камандам было прапанавана 10 тэматычных блокаў, кожны з якіх утрымліваў па пяць пытанняў. Пытанні былі разлічаны на веданне вучнямі беларускіх песень, ягад, свят, прыказак. Вучні ўспомнілі беларускія гарады, вуліцы Свіслачы, назвы ежы. Дзеці добра спраўляліся з заданнямі,аднак усё ж адкрылі для сябе некаторыя словы па-беларуску. Каманды-пераможцы ўзнагароджаны дыпломамі.

21 лютага, у Міжнародны дзень роднай мовы, дзевяцікласнікі гімназіі напісалі Рэспубліканскую дыктоўку на беларускай мове “Беларусь – краіна мараў”.