21 лютага вучні гімназіі прынялі ўдзел у акцы “Чытаем разам па-беларуску”. Гімназісты на перапынках чыталі на памяць вершы любімых беларускіх паэтаў , прысвечаныя Радзіме, мове, людзям..У бібліятэцы была арганізавана выстава “Я люблю чытаць па-беларуску”, на якой былі прадстаўлены цікавыя кнігі на роднай мове.
Вучні малодшых класаў удзельнічалі ў гульні “Пагуляем у роднае слова”, а старшакласнікі прадэманстравалі свае веды аб творах беларускіх пісьменнікаў.
Спадзяёмся, што мерапрыемствы, якія мы прысвяцілі нашай любай беларускай мове, нікога не пакінулі раўнадушнымі. Упэўнены, што мы змаглі данесці да ўсіх тое асноўнае, што павінна жыць у сэрцы кожнага беларуса – трэба ганарыцца сваёй мовай, ведаць, любіць і шанаваць роднае слова.
